Foreign Minister Shah Mehmood leaves for US on 3-day visit

اسلام آباد وزیر خارجہ شاہ محمود قریشی 3 روزہ دورے پر امریکا روانہ ہو گئے ہیں۔

تفصیلات کے مطابق شاہ محمود قریشی نیویارک میں امریکی دورے کے دوران اقوام متحدہ کے سیکرٹری جنرل انتونیو گوتریس اور جنرل اسمبلی کے صدر تجانی محمد سے ملاقات کریں گے۔

ترجمان دفترخارجہ کا کہنا ہے کہ وزیر خارجہ شاہ محمود 15 تا 17 جنوری واشنگٹن اور نیویارک کے دورے پر ہوں گے، وہ آج سیکرٹری جنرل سمیت یو این قیادت سے ملاقات کریں گے، جبکہ 17،16 جنوری کو واشنگٹن میں امریکی ہم منصب مائیک پومپیو سے ملاقات ہوگی۔وزیر خارجہ امریکی قومی سلامتی کے مشیر رابرٹ اوبرائن اور دیگر حکام سے بھی ملاقاتیں کریں گے۔

یاد رہے کہ گزشتہ روز وزیر خارجہ دورہ عمان مکمل کر کے واپس وطن پہنچے تھے، انھوں نے اپنے دورہ کے دوران عمان کے سلطان ہیثھم بن طارق السید سے ملاقات کی اور ان کے ساتھ وزیر اعظم عمران خان اور پاکستانی قوم کی طرف سے سابق فرماں روا سلطان قابوس کے انتقال پر اظہار تعزیت کیا۔

مزید : پاکستانیوں کا سردی نے برا حال کردیا لیکن وہ جگہ جہاں درجہ حرارت 42 ڈگری سے بھی اوپر چلا گیا، شدید گرمی سے شہری بے حال

Leave a Reply

Your email address will not be published. Required fields are marked *